Home Без рубрики Afsonaviy Oksana Chusovitina oltin medalga sazovor bo‘ldi

Afsonaviy Oksana Chusovitina oltin medalga sazovor bo‘ldi

by admin


Foto: Milliy olimpiya qo‘mitasi
Qatar poytaxti Doxa shahrida sport gimnastikasi bo‘yicha Jahon kubogining navbatdagi bosqichi bo‘lib o‘tmoqda. Unda ishtirok etgan hamyurtimiz Oksana Chusovitina navbatdagi g‘alabani qo‘lga kiritdi.

Tokio-2020 litsenziati kutilganidek, tayanib sakrash yo‘nalishida ishtirok etdi. Uning ijrosida amalga oshirilgan mashqlar hakamlar hay’ati tomonidan eng yuqori bahoga loyiq ko‘rildi va afsonaviy sportchimiz oltin medalga sazovor bo‘ldi.

Bu musobaqa sportchimiz uchun bo‘lajak Olimpiada oldidan o‘ziga xos tayyorgarlik vazifasini bajarib berdi. Unda qo‘lga kiritilgan oltin medal esa Chusovitinaning kuchiga kuch, g‘ayratiga g‘ayrat qo‘shishi, shubhasiz.

Tayanib sakrash, ayollar:
1. Oksana Chusovitina (O‘zbekiston) – 14.066
2. Devilar Kolin (Fransiya) – 13.966
3. Taman Nensi (Misr) – 13.366



Source link

You may also like

Leave a Comment